АНУ-ын Төрийн нарийн бичгийн дарга тангаргаа өргөлөө

2017-02-02 18:36:35

АНУ-ын Ерөнхийлөгч Дональд Трампын санал болгосон Төрийн нарийн бичгийн дарга Рекс Тиллерсон өчигдөр /2017.02.01/ тангаргаа өргөн, үүрэгт ажилдаа орлоо. Рекс Тиллерсон нь газрын тос, байгалийн хийн ExxonMobil корпорацийн тэргүүнээр ажиллаж байсан хүн юм.

Шинэ Төрийн нарийн бичгийн даргын тангараг өргөх ёслолд Ерөнхийлөгч Дональд Трамп, дэд Ерөнхийлөгч Майк Пенс нар байлцжээ.

Рекс Тиллерсоныг Сенатын гишүүдийн 56 нь дэмжиж, 43 нь эсэргүүцсэн санал өгчээ. Сенатын санал хураалтын дараахан тэрбээр тангаргаа өргөжээ.

Рекс Тиллерсонд дипломат албаны туршлага байхгүй нь гол дутагдал гэж хүмүүс үзэж байна. Гэвч түүний бизнесийн арвин туршлага, геополитикийн өргөн мэдлэгийг үнэлж байгаагаа Трамп санал болгохдоо тэмдэглэсэн.

Тиллерсон оросуудтай бизнесийн нэлээн холбоотой байсан нь АНУ-ОХУ-ны харилцааг шинэ шатанд гаргана гэсэн найдварыг төрүүлж байгаа юм. 1990-ээд онд Тиллерсон Exxon корпорацийн ОХУ-ын Сахалин дэх төслийг удирдаж байсан бөгөөд тухайн үедээ одоогийн Ерөнхийлөгч Владимир Путинтэй ажил хэргийн холбоотой байжээ. Мөн 2011 Exxon оросын “Роснефть" компанитай Арктик болон Сибирьт газрын том олборлох гэрээг үзэглэж байсан.

      
АНХААРУУЛГА: Уншигчдын бичсэн сэтгэгдэлд Ipost.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 95050503 утсаар хүлээн авна.

Сэтгэгдлүүд :





(0/800)