G20 гишүүн орнуудын Хөгжлийн ажлын хэсгийн чуулганд оролцлоо

2022-08-12 18:34:40

Дэлхий нийтийг хамарсан коронавируст /ковид-19/ халдварын цар тахлын үеийн дасан зохицох чадвар бүхий нийгмийн хамгааллын бодлого болон хүн амыг хамгаалах бодлогын талаарх олон улсын чуулганд тус яамны Нийгмийн даатгалын бодлогын хэрэгжилтийг зохицуулах газрын дарга Б.Батжаргал, Хөдөлмөр эрхлэлтийн  сургалтын хэлтсийн дарга Х.Тамираа, Нийгмийн халамжийн бодлогын хэрэгжилтийг зохицуулах газрын шинжээч Б.Майчимэг нар оролцлоо.

Нийгмийн хамгаалал, хүн амын хөгжлийн бодлогын тэргүүлэх чиглэлүүдийг тодорхойлох, нийгмийн хамгааллын байнгын тогтолцоо, институцийн зохицуулалт, санхүүжилтийн механизм, санхүүжилтийг нэмэгдүүлэх, хүн ам, нийгмийн үзүүлэлтүүдийн дата мэдээллийг сайжруулах, эрсдэлийн үеийн бүртгэл, мэдээллийн системийг өргөжүүлэх боломж зэрэг асуудлаар гишүүн орнууд туршлагаасаа хуваалцсан юм.

Чуулганд Нийгмийн даатгалын бодлогын хэрэгжилтийг зохицуулах газрын дарга Б.Батжаргал коронавируст /ковид-19/ халдварын цар тахлын үед Монгол Улсын Засгийн газраас авч хэрэгжүүлсэн арга хэмжээний талаар илтгэл тавьж, мэдээлэл өглөө.  

      
АНХААРУУЛГА: Уншигчдын бичсэн сэтгэгдэлд Ipost.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 95050503 утсаар хүлээн авна.

Сэтгэгдлүүд :





(0/800)