Х.Баделхан сайд ТОСК-ийн үйл ажиллагаатай танилцлаа

2017-10-24 09:59:14

УИХ-ын гишүүн, Барилга, хот байгуулалтын сайд Х.Баделхан “Төрийн орон сууцны корпораци” Төрийн өмчийн үйлдвэрийн газрын үйл ажиллагаа, одоо хэрэгжүүлж байгаа болон цаашид хэрэгжүүлэх төсөл хөтөлбөр, тулгамдсан асуудлуудтай танилцав. ТОСК ТӨҮГ-ын ерөнхий захирал Ж.Хичээнгүй байгууллагынхаа хэрэгжүүлж ирсэн төсөл хөтөлбөрүүдийг танилцуулаад, Засгийн газрын 2015 оны 248 дугаар тогтоолоор баталсан Түрээсийн орон сууц хөтөлбөрийн явцын талаар дэлгэрэнгүй мэдээлэл өглөө. Уг хөтөлбөрийн дагуу 2015-2021 онд 20 мянган өрхийг түрээсийн орон сууцанд хамруулах юм. Засгийн газрын баталсан тогтоолын дагуу 82.3 тэрбум төгрөгний орон сууцыг түрээсийн санд шилжүүлснээр 1512 айл Түрээсийн орон сууцанд ая тухтай амьдарч байна. Мөн “ТОСК” ТӨҮГ-ын тулгамдсан асуудлууд, түүнээс гарах гарцын талаар санал солилцож, Засгийн газрын тогтоолоор баталгаажсан авлагуудыг улсын төсөвт суулгах асуудлыг үе шаттайгаар шийдэхийн тулд нягт хамтран ажиллахаар санал нэгдсэн юм. Ийнхүү сайд Х.Баделханы салбарынхнаа харьяа агентлаг байгууллагуудтай танилцсан эхний уулзалт үр дүнтэй боллоо. 

      
АНХААРУУЛГА: Уншигчдын бичсэн сэтгэгдэлд Ipost.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 95050503 утсаар хүлээн авна.

Сэтгэгдлүүд :





(0/800)