• 734

    Амлалтаа биелүүлдэггүй улстөрчдийн төлбөрийг иргэд 1072 хувьцаагаа төлөх нь


    Шөнө дөл 24 цагийн үедт “Эмээлт” зах руу очлоо. Мал, мах худалдаалж дадсан энэ захын эргэн тойронд энэ удаад мал мах бус хувьцаа зарж борлуулах болсон гэдэг дуулиан дэгдсэн болохоор тэр л дээ. Урт цагааны гол талбайд байрлах машины зогсоолд бөөгнөрч зогссон иргэд ойрын хоногуудад “Эмээлт” захад буурь сэлгэсэн гэх юм. Очиж харах нь ээ, 22-ын давааны наад булангаас эхлээд хоёр нь хоёроороо, гурав нь гурваараа, арав нь арваараа хэлхэлдэн зогссон байх. Дулаан хувцаслаж, нүүрээ алчуураар боосон тэдний олонх нь 20-30 насны бүсгүйчүүд. Олонх нь эмэгтэйчүүд байгаагаас харвал амьдралын төлөөх тэмцэл яалт ч үгүй хүүхнүүдийн нуруун дээр буужээ хэмээн бодмоор. Мэдээж найз нөхдөөрөө хөлхөлдсөн залуусын алхааг энд бас үгүйсгэж боломгүй. Гол нь тэдний ийн хэлхэлдэн зогсон шалтгаан нь “Эрдэнэс Тавантолгой” компаниас авах ёстой 1072 хувьцаагаа зарчих санаархал. Ойрын өдрүүдэд хятадууд уг хувьцааг авч эхэлсэн сургаар тэд “Эмээлт” захын ойр орчимд багадаа хоёр, ихдээ зургаа хонож байгаа гэнэ. Ажилтай хэсэг нь өдөртөө яваад шөнөдөө “манаан”-д зогсдог бол цөөнгүй хэсэг нь 24 цагаар жижүүрлэж буй гэх. Энэ хооронд нь хоёр ч удаа ирж, хувьцаа сурагласан бол сүүлийн хоёр хоногт нэг ч худалдан авагч ирээгүй. Тэр нь хэвлэл мэдээллийнхэн шуугиж, хууль хяналтын байгууллагаас “Хувьцаагаа зарах боломжгүй” гэдэг мэдээлэл хийсэнтэй холбоотой аж. Иймд бидний зорьж очсон шалтгаан тэдний хувьд муу эр дайнд хөөрнө гэдгийг үлгэр мэт санагдсан байхыг үгүйсгэх аргагүй. Гэсэн ч чих тавин чагнаж, ойр зуурынх нь үйлчилгээний төвийг бараадан сураглах нь ээ, олон олон учиг тайлагдах. Ядаж л хувьцаагаа арилжаалах санаатай ирсэн иргэд ойролцоох цайны газраас нь халуун ус царайчлан бүр 100 төгрөгөөр халуунаа барьдаг аяганд худалдан авч байлаа. Харин түүнээс арай дөнгүүр цайны мөнгөтэй нь нэг аяга сүүтэй цай авангаа ууталж ирсэн талхаа идсэн шигээ суугаа харагдсан. Амьдралын нугачаа бүрийн дундаас мөнгөний эрэл гэдэг яг тулсан үедээ дээшээ тэнгэр хол, доошоо газар хатуу хэмээн бодогдоход хүргэх нь бий. Тэд ийм л шалтгаанаар шөнө дөлөөр хажуугаар нь өнгөрөх машин бүрийг царайчилж, амьдралынхаа итгэл найдвар мэтээр нүд дагуулан харах нь ил тод байлаа. Гагцхүү хоёрхон удаагийн хувьцааны худалдан авалтын үер тэнд зодоон болонгоо алддаг гэх. Яаж ийгээд машинд нь сууж чадвал 800 мянгаас сая төгрөг авах магадлалтай болохоор тэр шүү дээ. Одоо харин иргэдийн хувьцаагаа худалдах санаархал эрс нэмэгдснээс үнэлгээ нь 400 мянган төгрөг дээр унасан аж. Ямартай ч тэдний ийн нөхцөл байдал дүр зургийг ажиглан харах нь ээ, “Хувьцаа худалдан авна” гэдэг зарлалд итгэж хэзээ нэгэн цагт ирнэ дээ гэсэн итгэлийн хүлээлтээр илүү олон хоногийг ч үдэж чадахаар байна билээ. Ядахад цөөнгүй бүсгүйчүүд нь хүүхдээ дагуулчихсан. Хаврын хавсарган салхин дунд бүтэн 24 цаг ирэх үгүй нь мэдэгдэхгүй худалдан авагчийг хүлээн хүүхдээ хүртэл зовоон, зовоон зогсоно гэдэг яаж ч бодсон амьдрал хэцүү байгаагийн илэрхийлэл юм. Харин төр засаг үүнд нь анхаарсан шинжгүй. “Эрдэнэс Тавантолгой” компаниас эзэмших 1072 хувьцааныхаа ноогдол ашгаар элбэг сайхан амьдарч болох тухай сурталчилгаа цацаж суухдаа тэд юу бодож байсан юм бэ. Төдийгөөс өдий хүртэл хувьцааг нь иргэдийнхээ гар дээр тавьж хүчрэхгүй бүр ордоо ч ашиглаж дөнгөхгүй байгаагийнхаа гэм бурууг тэд хэзээ хүлээх юм. Тэгсэн атлаа ийн горьдлого тээлгэснийхээ бурууг тэд “Иргэд ажил хийх ёстой” гэсэн зэмлэлийн үгээр зөвтгөдөг. Гэтэл хийе гэхнээ ажил нь олдохгүй байгааг яагаад ойлгож чадахгүй байгаа юм бэ. Ийм үед Санхүүгийн зохицуулах хорооны Үнэт цаасны хяналтын хэлтсийн дарга Б.Долгорсүрэн “Эрдэнэс-Тавантолгойн хувьцааг арилжаалах, зарах ямар ч боломж нээгдээгүйг хэлмээр байна. Тухайлбал, хувьцааг арилжиж, мөнгө болгохоор болвол Хөрөнгийн бирж, Санхүүгийн зохицуулах хороо аль, алинд нь бүртгүүлж, албан ёсны шийдвэр гарах ёстой. Гэтэл ямар ч шийдвэр гараагүй учраас хувьцааны хоёр дахь зах зээлийн арилжаа эхлээгүй” хэмээн мэдээллээд суух. Уг нь эрх баригчид амласан, амлалтандаа хүрсэн бол иргэд өнөөдөр 1072 хувьцаагаа зарах гээд, худалдан авагчид нь хулгайч шиг ийн зугтан, зугтан наймаа хийхгүй байсан нь ойлгомжтой. Гагцхүү энэ бол амлалтаа биелүүлээгүй улстөрчдийн, амлалтаа биелүүлээгүйгээсээ ичдэггүй улстөрчдийн төлөө та бидний төлж буй төлбөр болсон нь харамсалтай. Ядаж л иргэдийнхээ 1072 хувьцааг чимээгүй харж суусаар дээрэмдүүлэх үү гэдэгт хариулах албан тушаалтан олдоосой билээ.

    Дэлгэрэнгүй >>

  • 511

    Хар машинтай хувьцааны "дээрэм" арчаагүй төрийг ичээв


    Төр иргэнээ “Эрдэнэс Тавантолгой” компанийн 1072 хувьцаагаар хуурч, төдийгөөс өдий хүртэл хүлээлтээс өөр үр дүнгүй хүлээлгэ байх зуур хувьцаагаа үнэ хүргэ зарах боломжтой тухай мэдээлэл иргэдийн чихийг баясгав. Энэ тухай үнэнийг хайж, хувьцаагаа зарахыг хүссэн иргэд “Урт цагаан”-ы гудамжнаа хонон өнжин зогсож, хэзээ худалдан авагч ирэх вэ гэсэн хүлээлэлтэд хариулт хайн шөнийн бор хногийг ч ээлжийн манаач шиг өнгөрөөж байна. Тэдний ярианаас үзэх нь ээ, нэг ширхэг нь 933 төгрөгөөр үнэлэгдэж байгаа “Эрдэнэс Тавантолгой” компанийн 1072 хувьцааг хядадууд 800 мянгаас сая төгрөгөөр худалдан авч эхэлсэн гэнэ. Гэхдээ шөнө дөлөөр тас хар машинд суулган олны хөлөөс зайдуу авч явж наймаа арилжаагаа хийдэг бололтой юм. Сонин л хэрэг. Уг нь хувьцааны арилжаа ил цагаан олны нүдэн дээр явагддаг хамгийн ардчилсан бизнес байтал тэр бүхнийг нуун далдалж хийнэ гэдэг. Тэр дундаа хар машинтай шүү. Саяхан буюу 2008 оны долоодугаар сарын 1-ний шөнө л төр иргэдээ хар машинаар хөөж буудсан хэрэг бичигдсэн. Энэ хэргийн улмаас таван сайхан залуу амь насаа алдаж, өнөөдрийг хүртэл албан ёсоор буруутан нь тогтоогдоогүй. Хэдийгээр Цагдаагийн ерөнхий газрын нэр бүхий албан хаагчид ял авсан ч тэдний ард хэн ямар даалгавар өгсөн, хэн буудсан, үнэхээр цагдаа байсан уу үгүй юу, хэн бүхний хэлээд байгаа атлаа эзэн нь олдоогүй хар машин нь хэнийх юм, хэн сууж явсан юм гэдэг олон асуултын хариу олон нийтэд ил болоогүй л байгаа. Гэтэл одоо дахиад л учир нь үл мэдэгдэх хар машины тухай яриа газар авав. Тэр машинд хятадууд суучихаад төрөөс ч тарааж хүчрэхээ байсан 1072 хувьцааг цуглуулаад байна гэдэг бас их сонин хэрэг. Энэ мөнгөний төлөө иргэд хонон өнжин харуулдаж, хүүхдийнхээ сургалтын төлбөрийг, эмчилгээний зардлаа, ойр зуурын хэрэглээний мөнгөө олно гэж найдах нь бүр ч бэрх. Гагцхүү ийнхүү төрийн өгч чадаагүй хувьцааны амлалтыг хятадууд хар машинтай гүйцэлдүүлж, хувьцааг нь “дээрэмдэх” ажиллагаа хийсэн нь үнэн бол тэд гэхээс илүүтэй дахиад л төр засаг буруутай нь тодорхой юм. Тэд энэ хувьцааны амлалтаар хэдэн ч удаа иргэдээ хуурав даа. Яг үнэндээ үл мэдэгдэх хар машинтай хүмүүст иргэддээ өмчлүүлэх нэрээр хуурсан "Эрдэнэс Тавантолгой"-н хувьцааг хураалгаж байгаа нь Монгол төрийн хувьд ичгэвтэр л юм даа.

    Дэлгэрэнгүй >>

  • 535

    Н.Алтанхуяг алдаанаасаа айхгүй нь бололтой


    Ерөнхий сайд асан Н.Алтанхуягт зарлан дуудах хуудас ирүүлжээ. Тэрбээр энэ талаар олон нийтэд нээлттэй мэдээллэж, юу асууна түүнд нь ил тод хариулахаа амлав. Түүний хувьд өнгөрсөн хугацаанд Ерөнхийлөгч Ц.Элбэгдоржийн эсрэг мэдэгдэл хийж, “Монголын авлигын гол тэргүүлэгч нь Ерөнхийлөгч Ц.Элбэгдорж” гэдэг мэдээллийг олон нийтэд өгсөн. Уг нь ард нийтийн зүгээс түүнийг хамгийн түрүүнд УИХ-ын гишүүн Х.Баттулгатай дайтах тухай таамаг байсан. Гэтэл тэрбээр Ерөнхийлөгч Ц.Элбэгдорж болон Х.Баттулга нарын зөрчил дундуур туслан авч Ерөнхийлөгч руу дайралт хийхийг чухалчилсан. Улмаар энэ асуудлаас нь үүдсэн үү, яасан Мөрдөн байцаах газрын Онц хүнд хэрэгт мөрдөх хэлтсийн хошуучаас өнөөдрийн дотор мэдүүлэг өгөх зарлан дуудах өгсөн байна. Гэхдээ мэдээж өөрийнх нь таамаглаж байгаагаар бол шүү дээ. Ямартай ч Ерөнхий сайд асан Н.Алтанхуягийг Ерөнхийлөгчийн эсрэг чанга дуугарч, алдаа хийлээ хэмээн өмнөөс нь айх хүн олон байсан бол харин хувь хүнийх нь хувьд айдас төрөөгүй бололтой.

    Дэлгэрэнгүй >>

  • 395

    Одоогийн УИХ Үндсэн хуулиас гадуур байгуулагдсан болж таарлаа


    Үндсэн хуулийн Цэцийн дунд суудлын хуралдаанаас “Жагсаалтаар УИХ-д сонгогдох нь Үндсэн хууль зөрчиж байна” хэмээн үзэв. Үүндээ Үндсэн хуулийн 21 дүгээр зүйлийг хамаатуулсан бөгөөд уг зүйлийн 2 болон гуравт “УИХ-ын гишүүнийг Монгол Улсын сонгуулийн эрх бүхий иргэд, нийтээрээ, чөлөөтэй, шууд сонгох эрхийн үндсэн дээр саналаа нууцаар гаргаж, дөрвөн жилийн хугацаагаар сонгоно”, “УИХ-ын гишүүнээр Монгол Улсын 25 нас хүрсэн, сонгуулийн эрх бүхий иргэнийг сонгоно” гэсэн байдаг. Гэтэл өнгөрсөн УИХ-ын 2012 оны сонгуулиар та бид хүнийг бус намыг сонгосон нь үнэн. Иймд Үндсэн хуулийн Цэц эл асуудлыг бараг дөрвөн жилийн дараа хэлэлцэж, одоогийн УИХ-ыг хууль бус парламент мэтээр харагдуулж буй нь бас л сонин. Магадгүй үүнийг нь Үндсэн хуулийн Цэцийн дарга асан Ж.Амарсанааг албанаас нь буулгасан УИХ дахь Ардчилсан намын бүлэгтэй бодсон тооцоо мэтээр тайлбарлах нь ч бий. Тэр дундаа намын жагсаалтаар УИХ-д суух боломжийг хаах нь Ардчилсан намд хохиролтой. Тус нам сонгуулийн холимог тогтолцооны хүчинд УИХ-д суудалтай болсон. Ирэх сонгуульд ч мөн жижиг намуудыг үндсэнд нь шахах бодлого баримтласандаа холимог тогтолцоог дахин хуульчилсан. Иймд Үндсэн хуулийн Цэцийн гишүүд гэнэт дөрвөн жилийн дараа Үндсэн хууль сахих ёстойгоо ойлгов уу, эсвэл даргынхаа эрх ашгийг эцсийн удаа ч болов тунхаглахыг хүссэн нь энэ үү гэдэг ойлгомжгүй асуултыг нийгэмд үүсгэчихлээ. Гол нь энэ дунд өнгөрсөн дөрвөн жилийн хугацаанд УИХ-аас баталсан хууль тогтоомж хүчингүй болж, төрийн эрх барих дээд байгууллага нь өөрөө хууль бус оршин тогтнож байж болдог юм байна гэдэг ойлголтыг иргэдэд төрүүлсэн нь тун чиг харамсалтай хэрэг биз ээ. Дээр нь энэ маргаанаас үүдэн УИХ-ын сонгууль ч хойшлох магадлал өндөр гэдгийг хэлэх хэрэгтэй юм.

    Дэлгэрэнгүй >>

  • 543

    Эрүүгийн хуулиар эмч нарын итгэлийг яллав


    Эрүүгийн хуулиар эмч нарын итгэлийг яллав

    Дэлгэрэнгүй >>

  • 449

    С.Зориг агсныг хөнөөсөн хэргийг хэзээ илрүүлэх нь төрийн нууц уу


    С.Зориг агсныг хөнөөсөн хэргийг хэзээ илрүүлэх нь төрийн нууц уу

    Дэлгэрэнгүй >>

  • 484

    Р.Чингисийг чөлөөлөх шалтгааныг Ерөнхийлөгчөөс хайх уу


    Р.Чингисийг чөлөөлөх шалтгааныг Ерөнхийлөгчөөс хайх уу

    Дэлгэрэнгүй >>

  • 621

    М.Энхболд хувь улстөрчийнхөө хувьд ялагдал хүлээлээ


    МАН-ын дарга М.Энхболд намаа МАХН-тай эвсэж УИХ-ын сонгуульд оруулахын тулд өнгөрсөн гурван сарын хугацаанд чамгүй их ажлыг амжуулсан. Хувь улстөрчийнхөө хувьд энэ бүх үйлдэл нь ялагдал байсан ч тэрбээр МАН-ын ялалтын төлөө тэвчээр, нэр хүнд гээд хамаг бүхнээ дэнчин тавьсан гэвэл худлаа болохгүй. Гэсэн ч түүний эл бүх ялагдал, тэвчээр эцсийн бүлэгтээ доог тохуу болон өнгөрсөн нь харамсалтай хэрэг. Хэдийгээр нэрэн дээрээ МАХН буюу Ерөнхийлөгч асан Н.Энхбаярыг тохиролцооноосоо буцсан мэт харагдуулж буй ч ачир дээрээ МАН-ын хуучин бурхиуд тээнгэ болсон нь хэн бүхэнд илэрхий.

    Дэлгэрэнгүй >>

  • 510

    МАН наашаа харж инээн, цаашаа харж уйлан Н.Энхбаяртай эвлэрлээ


    МАН наашаа харж инээн, цаашаа харж уйлан Н.Энхбаяртай эвлэрлээ

    Дэлгэрэнгүй >>

  • 748

    З.Энхболд Н.Алтанхуягийн "хөлд сөхрөх" цаг дор...


    Өнөөдөр Ардчилсан намын Үндэсний Зөвлөлдөх Хорооны хурал болно. Энэ хурал уг нь энэ сарын 16-нд буюу бямба гарагт болох албан бус тов гарсан ч Ардчилсан намын удирдлагууд хойшлуулсан. Шалтгаан нь дотоод зөрчлөө намжаах эв нэгдлийн хэлэл¬цээний ард суух явдал байв. Учир нь ердөө арав хүрэхгүй хоногийн өмнө Их тэнгэрт болсон УИХ дахь Ардчилсан намын бүлгийн хурлыг УИХ-ын гишүүн Н.Алтанхуяг хаяж гарсан. Даарин дээр давс гэгчээр УИХ-ын гишүүн Х.Баттулгын хувийн компанийг Цагдаагийн ерөнхий газраас шалгах нэрээр тусгай албаныхныг оруулж баахан сүрийг үзүүлсэн. Тэр ч битгий хэл Ардчилсан намаас эвсэх урилга хүлээн авсан Монголын Үндэсний ардчилсан нам болон Иргэний зориг, ногоон намын гишүүд тус намын урилгаас татгалзах шалтгаанаа товч тодорхой байдлаар илэрхийлэх болж. Энэ нь ёстой л ядрахад яр гэдэгчлэн Ардчилсан намын хувьд дорд харагдах онцгүй нэгэн шалтгаан гэлтэй. Ийм үед Ардчилсан намын дарга З.Энхболдын хувьд дээшээ тэнгэр хол, доошоо газар хатуу гэдэг л болж буй нь нууц биш юм. Түүний хувьд Ардчилсан намын даргын суудлыг асар өндөр үнээр авсан. Тэр нь тавын таван удаагийн сонгуульд намаа ялалт байгуулах түүхэн гэмээр амжилтад хөтөлсөн Ерөнхий сайд асан Н.Алтанхуягийг албанаас нь буулгахдаа төлсөн төлбөр юм. Өөрийн тэргүүлдэг “Шонхор” фракцийн хүчийг нэмж, “Алтангадас” фракцийн манлайлагч лидерүүдийн эв нэгдлийг сарниулсан. Цаашлаад МоАХ-той нэгдэн хүчний гэмээр үйл ажиллагаа явуулсан тухай Н.Алтанхуягийн гомдол өнөөдөр ч дууссан нь үгүй. Тэрбээр энэ талаар “Ажлыг нь авахын тулд охиныг нь барьцаалдаг. Албан тушаалыг нь булаахын тулд найз нөхдийг нь золиосолдог жишиг тогтлоо” хэмээн олон удаа хэлсэн. Гагцхүү одоогийн нөхцөл байдалд авралыг хайгаад ч олдох хөг нь өнгөрчихөөд байсан Н.Алтанхуяг жинхэнэ утгаараа үнэд орох цаг ирчихлээ. Харин хааш нь ч хамаагүй түлхэж унагаж чадаж байсан З.Энхболдын хувьд эсрэгээрээ болж таарав. Түүний хувьд одоо л Үндэсний Зөвлөлдөх Хорооны нийт гишүүдийн олонхийг нь бүрдүүлдэг “Алтангадас” фракцид хадаг сүй тавих нь бараг л тодорхой биз. Учир нь, Ардчилсан эмэгтэйчүүдийн холбооны ерөнхийлөгчөөр УИХ-ын дар¬га З.Энхболд УИХ-ын гишүүн С.Одонтуяаг болгохын тулд намынхаа эмэгтэйчүүдэд шахалт үзүүлсэн гэх яриа байдаг. Улмаар Алтангадас фракцийн төлөөлөл болох Б.Ургамалцэцэг ялагдсан. Харин энэ үйл явдлын дараа З.Энхболд намынхаа Үндэсний Зөвлөлдөх Хороог хуралдуулж чадаагүй. Хурлынх нь тов зарлагдаж даруй арав орчим хоносон ч тэрхүү хуралдааны цаг болоход 50 хүрэхгүй гишүүн суудал эзэлсэн нь бас гайхмаар үзэгдэл. Үүнийг албан бусаар З.Энхболд Ардчилсан намын хувиар ялагдал хүлээлээ хэмээн дүгнэсэн хэвлэлийн мэдээлэл ч олонтаа байлаа. Намын дарга болсноос хойшхи анхны удаа зарласан Ардчилсан намын Үндэсний Зөвлөлдөх Хорооны хурал болохоор тэр шүү дээ. Ийм учраас тэрбээр өнгөр¬сөн амралтын өдрүүдэд намын¬хаа фракц бүрийн тэргүү¬нүүдтэй уулзаж, эв нэгдлийн талаар санал солилцсон гэх мэдээлэл бий. Гэхдээ тэр дундаас хамгийн их үг хэлтэй нь Н.Алтанхуяг байсан байж таараа. Өмнө нь ч УИХ-ын дарга З.Энхболд Ерөнхий сайд Н.Алтанхуягтай уулзах хүсэлтээ олон удаа илэрхийлсэн тухай яриа бий. Зөвхөн Ардчилсан намын дарга ч бус тус намын нөлөө бүхий улстөрчид Ерөнхийлөгч Ц.Элбэгдоржийн эсрэг хийх тэмцэлд хамтдаа зүтгэхийг гуйсан гэдэг мэдээлэл ч олон гарсан. Харин Н.Алтанхуяг өнөөд¬рийг хүртэл тэр бүхэнд тодорхой хариулт өгөөгүйн дээр Төрийн ордон болон хувийн орон зайдаа тэдэнтэй тусгайлсан уулзалт хийхээс татгалзаж яваа. Нэг ёсны төвөөс зугтах байр суурь баримталж буй түүний хувьд орхигдсон аралдаа эзэн болох сонирхол нуугдаж байж болох. Саяхан ардын дайснаар цоллож, албанаас нь буулгасан нөхдөө эргээд үнэнчээр нөхөрлөнө гэж хэн ч гэсэн итгэхэв дээ. Тийм болохоор өнгөрсөн хугацаанд Ерөнхийлөгч Ц.Элбэгдоржийн эсрэг ганцаараа мэдэгдэл хийж, ганцаараа олны анхаарлыг өөр дээрээ татсан байх магадлалтай. Гэсэн ч энэ удаагийн нөхцөл байдалд З.Энхболдын хувьд яалт ч үгүй Ерөнхий сайд асан Н.Алтанхуягийн “хөлд сөхрөх” гэдэг ганцхан хувилбарт тунаж очсон нь хувь улстөрчийнх нь хувьд харамсалтай хэрэг. Гэхдээ Ардчилсан намд УИХ-ын сонгуулийн ялалтыг ойртуулахыг хүсвэл түүнд үүнээс өөр сонголт үгүй юм. Ядаж л өнөөдөр Үндэсний Зөвлөлдөх Хорооны хурлаа хэрүүл маргаантай ч хуралдлаа гэсэн бичигтэйгээр тарах хэрэгтэй. Тэр цагт энэ сарын 20-ны өдөр Сонгуулийн Ерөнхий хороонд намаа бүртгүүлж, сонгуулийн үйл ажиллагаагаа эрчимжүүлэх эхлэлийн цагийг хатгах учиртай. Гол нь энэ бүх үйл явдал улс төрд ялагдал, ялалтын аль нь ч албан ёсоор мөнх оршдоггүй гэдгийн нотолгоо биз ээ. Ерөнхий сайд Н.Алтанхуягийг Ардчилсан намын аминд дахин орно гэж ер нь З.Энхболд бодож байсан ч юм уу, үгүй ч юм уу… Г.Отгонжаргал

    Дэлгэрэнгүй >>